半條命 籃球系列 香港人需要正能量 籃球是生命

有趣事，其中當然少不了的一定是籃球！有好多人以為，籃球一定係後生仔先會打，結咗婚、有咗小朋友就自不然唔再打波。換個角度，唔可以同老婆仔女一齊落街跟隊？俾限制自己的人，原來竟然係自己！有好多人以為，我又無打籃球，又更加無睇波，其實關我乜事？某程度上，籃球係一種運動同競爭，當然比賽之中有規例要守，其實以另一種演繹，係社會的縮影。我們從小上學，學校教授規矩和知識，即是在一個大規範之中，同學們已經預先喺一個特定嘅場所，稱之為校園，大家合理合法地競賽，比較高下，但又應該保持友誼，互勵互勉，達到大家和而不同，良性競爭和互動，再到慢慢長大，加入不同的原素，克己服人，再在社會做事。籃球是群體運動，打得好或打得不好，需要多方面配合。有別於一般個人運動，不排除個人能力超班的籃球員比比皆是，然而就算最強的籃球之神Michael Jordan 米高佐敦，同樣需要捱過底特律壞孩子的磨鍊，才會有達成兩次公牛隊三連霸王朝，繼承者如 Kobe Bryant 高比仔的 footwork 抄襲和成就，以及大帝 King James 的霸業，都不是一步能到位。說得誇張一點，籃球是生命，而不單單是一種群體運動與競賽！這本作品，榮添希望透過一眾籃球界的朋友，趁著我們在疫情的時間，鼓勵一下大家，比賽暫時落後了，但還沒結束，只要大家不要放棄，我們還是可以取勝的！あきらめたら そこで試合終了ですよ！如果放棄比賽，比賽就此結束...... 男兒當入樽《SlamDunk》: 安西光義教練名句。是白髮鬼說的，還是白髮佛說的？有分別嗎？