炒股幫－第 116 期

究竟係有「千里馬」先？定係有「伯樂」先呢？世界上，可能有好多「千里馬」一生都唔會遇到佢嘅「伯樂」，等於武打巨星成龍，如果當初無遇上「金牌經理人」陳自強，會有甚麼結局呢？又例如「樂壇天后」容祖兒，如果當時沒有遇上Apple姐（劉麗萍）引薦入英皇娛樂，又會變成怎樣呢？當然，他們亦是有料之人，而其實一間好公司或者一隻好股票，如果沒有人把他們發掘出來，大家亦不會給它投放過多注意力。點解咁講？因為如果缺乏投資者的關注，管理層可能對自己的工作要求降低，推動力減少。相反，如果有較多人留意此公司，管理層亦會盡力做好。

就例如騰訊（00700）主席馬化騰，當年上市的時候，沒有想過今天的騰訊有如此規模，而阿里巴巴（NYSE：BABA）主席馬雲亦講過，沒有想到自己每月會賺20個億，所以感到很「難受」，很有壓力。今期慳妹Vivian同大家去尋找一個「基金伯樂」──亞洲金融科技師學會創辦人兼主席、東驥基金管理董事總經理龐寶林（Paul），同大家一齊去搵「千里馬」！